EU-mut aalisarnermik isumaqatigiissut EU-p inatsisartuini ullumi taasissutigineqassaaq
EU-p Kalaallit Nunaatalu aalisarnermik isumaqatigiissutaat EU-p inatsisartuini ullumi marlunngornermi taasissutigineqassaaq.
Allattoq Jonas Fievé
apriilip 12-at 2016 05:39
Nutserisoq Mads Lynge
EU-mi aalisartut nunatta imartaani aalisarsinnaanerannut atatillugu Kalaallit Nunaata taarsiullugu aningaasanik tunineqartarnissaa isumaqatigiissutip qulakkeerpaa.
Isumaqatigiissut nutaaq aqqutigalugu Kalaallit Nunaat EU-mit ukiumut 17,8 millionit Euronik, tassa 132 millionit koruunit missaannik pissarsisassaaq.
Aningaasat amerlanersaat pisassiissutit aallaavigalugit aningaasaliinerupput, ikinnerulaartut, 2,93 millionit Eurot, imaluunniit 21,8 millionit koruunit missaat tapiissutinut assigiinngitsunut aningaasaliinerullutik.
EU-p aalisariutaasa Nunatta imartaani aalisarnerminnut atatillugu aamma akitsuuserneqassapput, tonsimut ataatsimut akitsuusiisoqartassalluni.
