EU 235 millioninik nunatta karsianut nakkartitsisoq
Naalakkersuisut siulittaasuata Kim Kielsenip, Europamilu kommissærip Neven Mimicap ataatsimeereernerisa kingorna isumaqatigiissut taanna atsioqatigiissutigineqarpoq.
Nunatsinni ilinniartitaanerup qaffassarneqarnissaa, aningaasarsiornerup ineriartortinneqarnissaa innuttaasullu atugarissaarnerulernissaat aningaasat taakku Nunatta karsianut nakkartinneqarnerisigut anguniarneqassaaq:
- 235 millionit koruuninik tapersiinitsigut Kalaallit Nunaanni innuttaasut ilinniagaqassusaannik qaffassaanissamut piginnaasaqarnerusunillu sulisoqalernissamut erseqqissunik angusaqarnissamut ikiuutissaagut, Europa-kommissæri Neven Mimica taama ilaatigut oqarpoq.
Naalakkersuisut siulittaasuata EU-mik suleqateqarneq aamma nuannaarutigaa:
- Atsioqatigiinneq Naalakkersuisut EU-mik suleqatigiinnermik pingaartitsinerannik takussutissaavoq, suleqatigiinnerullu ingerlaannarnissaa kissaatigalutigu tamanna meerartatta inuusuttortattalu ilinniagaqarnissaanut annertuumik iluaqutaammat, Naalakkersuisut siulittaasuat Kim Kielsen oqarpoq.
Europami kommissæri Neven Mimica ullumi juunip ulluisa aappaanni Ilulissiassaaq, meeqqat atuarfissaat, Royal Greenlandillu aalisakkerivia ilaatigut takuniarneqassallutik.
