VIDEO Erni inuulluarit, Monica tikilluarit
Monica Samuelsen Esbjergimi 2008-imi najugaqartilluni angutit atisaannik peqarpoq, kammalaatimili atisai atortillugit illoqarfissioreerlutik angutitut inuuneq qimassallugu aalajangerpoq.
-Aalajangerama arnatut inuulissallunga, angutitut atisakka tamaasa atornikuerniarfimmut tunniuppakka, taamanili arnatut atisalersortuaannalerpunga, Monica oqarpoq.
Monica aaliangerami arnatut inuulissalluni, atini Erni atorunnaarpaa. Taamaasillunilu ateq Monica atigilissallugu aaliangerpoq.
- Kammalaatimma kammalaataani pulaarujoorluta eqqartuleratigit qanoq ateqassanerlunga, aterpassuit taasaqattaareerlugit Monica uannut tulluartillugu nassaaraarput, Monica tulluulluni oqarpoq.