Erinarsortartoq David Bowie toquvoq
Bowiep nuuteeraliaa kingulleq "Blackstar" tallimanngormat ulloq inuuissiorfiani saqqummerpoq.
David Bowiep facebookkikkut, Twitterikkullu toqusimaneranik ullaassaq nalunaarutit ilumoortut, tusagassiinermi ataqatigiissaarisup Steve Martinip uppernarsarpaa.
Bowiep peqqinnginnera ukiuni arlalinni oqallisaavoq, ajunngitsuliornissamullu katersuinermi New Yorkimi 2006-imi kingullermik tusarnaartitsilluni.
David Bowie, David Robert Jonesimik ateqavittoq, Londonimi januaarip arfineq-pingajuani 1947-mi inunngorpoq.
Nipilersoqatigiinni arlalinni ilaareerluni, Mercury Recordsimut isumaqatigiissuteqarpoq,"Man of Words" aamma "Man of Music" 1969-imi saqqummersitsisumik.
Erinarsuullu "Space Odity" David Bowiep tusaamasaassutigilerpaa.