Erik Jensen (S)
39-inik ukiulik, Sisimiuni inunngortoq peroriartortorlu, nulianilu pingasunik paneqarput, A/S INI-mi nakkutilliisutut sulivoq, Sisimiut Timersortarfissuani siulersuisuni siulittaasuulluni.
Allattoq Malu Pedersen
Politikkikkut suliniutiginiagai:
- Nunatsinnut angalasut nassiussallu aqqutigalugit ikiaroornartunik eqqussuisoqannginnissaanut politiit pisariaqartitaminnik sakkussaqartinnissaat sulissutigissallugu
- Kalaallit Nunaata Danmarkillu akornanni Free Associationimik isumaqatigiissuteqarnikkut iluaqutissartaasinnaasunik ajoqutissartaasinnaasunillu misissuinissaq, nunat taakku marluk akornanni siunissami peqatigiilluni suleqatigiinnissamut periarfissanik qaammarsaaviusussaq, aammalu taamatut aaqqissuussinikkut timersortartuvut nammineq Erfalasoq atorlugu assersuutigalugu OL-imut peqataasinnaanngortillugit imaluunniit FIFA-mut ilaasortanngorsinnaanngortillugit
- Kalaaliminernik Danmarkimut nunanullu EU-mut ilaasortaasunut ajornannginnerusumik eqqussinissaq siunertaralugu Kalaallit Nunaata Danmarkillu akornanni suleqatigiinnermik pilersitsinissaq
- Kalaallit inuusuttut Sakkutuuni imarsiortuni ilinniakkanut periarfissaat siuarsassallugit
Erik Jensenip Facebookikkut nittartagaa takuuk.
Siumup folketingimut sulinissamut anguniagaat uani atuakkit.
Erik Jensenip qineqqusaarutaa uani aamma takuuk.