Eqqumiitsuliat oqallititsisut
Erfalasut nutsallu atorlugit eqqumiitsuliat Saammaasseqatigiinnissamut Isumalioqatigiissitap oqallissaarutigai.
- Taamatullu aamma suliaqaraangamik eqqumiitsuliortartugut ilaatigut misigissutsit aamma eqqorneqartarput. Taakkulu aamma aallaavigalugit inuiaqatigiinni oqallinneq aallartittarluni, Saammaasseqatigiinnissamut Isumalioqatigiissitami siulittaasoq Josef Therkildsen oqarpoq.
Eqqumiitsulialli saqqummertut ilaatigut saammaateqatigiinniartussanik ungasinnerulersitsiiinnartutut isornartorsiuisunit taaneqarput.
- Saqqummiunneqartunut assingusunik siornatigut takusareerpugut, nutaaliorpalaaratillu. Pereersimasut qaqissorneqarput aaqqiissuteqarnissamillu iliornerunatik, tamannalu Saammaasseqatigiinnissamik Isumalioqatigiissitap sulinissaanut siunertaasimanngikkaluarpoq, atuakkiortoq oqallisaarisorlu Nauja Lynge oqarpoq.
Sammisaq pillugu Qanoruumi malunngorpat nalunaaqutaq arfineq-marlunut takusaqarnersusimnnaavutit.
