Eqqakkanik assartuussisarneq aallunneqarnerulerpoq
Illoqarfinni minnerni nunaqarfinnilu eqqakkanik passussisarneq pitsaanerulersinniarlugu kommunit tamarmik Naalakkersuisunit tapersersorneqarlutik sulianik aallartitsipput.
Dumpen i Tasiilaq
Allattoq Inge S. Rasmussen
novembarip 24-at 2017 11:40
Eqqakkat eqqortumik poortorneqarpata assartorneqarpatalu assersuutigalugu eqqakkat plastikkit eqqakkallu allat silaannakkut pinngortitamut imaanullu siaruarsinnaanerat annikillissaaq.
Eqqagassalerineq kommunit akisussaaffigaat, kisiannili Naalakkersuisut kommuninut ikiorsiiniarlutik eqqakkanik assartuinermi misileraanissanut arlalinnut atugassatut 7,3 millioner koruunit aningaasaliissutigaat.
Assartuussinermi suliassarpianut tapersiinerup saniatigut aamma Naalakkersuisut kommunini tamani immikkut sulisumik avatangiisinik suliaqartussamik ukiuni marlunni atorfeqartitsinissamut tapersiissuteqarput.
Naalakkersuisut nittartagaanni tamanna allaaserineqarpoq.
