MANCHESTER Eqqaaniaalluni tusarnaartitsineq TV 2-mi allakaatinneqassaaq

Manchesterimi maajip ulluisa 22-anni Ariana Grandep tusarnaartitsinerani qaartartumeerisoqarnerani inuit 22-it ajunaartut eqqaaniarlugit Manchesterimi sapaammi unnukkut tusarnaartitsisoqarpoq
Assi © : Google Maps
Allattoq Karsten Sommer
juunip 04-at 2017 16:57
Nutserisoq Jaaku Lyberth

Nipilersortartut nunarsuarmi tamarmi tusaamaneqarlutik nuannarineqartut, Colplay, Justin Bieber aamma Katy Perry  Ariana Grande peqatigalugu eqqaaniaallutik tusarnaartitsipput.

Peqqarniisaarniat Londonimi ippassaq unnukkut saassussinerisa kingorna nipilersortartut tusarnaartitsineranni isumannaallissaaneq annertusineqarpoq.
Tuluit nunaanni tusagassiorfiit arlaqartut taama allaaserisaqarput.

Manchesterimi  politiit  tusarnaariartunut kaammattuuteqarput nammattakkanik pooqattanillu nassaqqunagit isumannaallissaaneq eqqarsaatigalugu.
- Innuttaasunut qulakkeerlugu nalunaarutigissavarput, tusarnaartitsisoqassammat,   immikkullu ittumik isumannaallisaasoqassaaq, Manchesterimi politiit oqaaseqartittagaat taama oqarpoq.

Manchesterimi tusarnaartitsineq nunani assigiinngitsuni 50-ni toqqaanartumik aallakaatinneqassaaq tusarnaartitsineq  TV2-mi nunatsinni arfineq marlunut qiteqquttoq isiginnaarneqarsinnaavoq, Danmarkimi aqqanermut qiteqquttoq.

Tusarnaartitsinermi tusarnaariartut akiliutaat ajunaartut ilaqutaasa ikiorneqarnissaannut  aningaasaateqarfimmut nakkartinneqassapput.
Aningaasaateqarfik seks million pundinik katersaqaleersimavoq. Taakua koruuninngorlugit 50 million kr-niuppuut

 

 

  

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk