Assi: KNR

Enoksenip meeqqanik paaqqinninnissamut neqerooruteqarnissaq aalluppaa

Angajoqqaat pisariaqartitsineranni meeraat suli atualianngitsut meeqqerivinni ulluuneranilu paarineqartarfinni inissaqartariaqarput.

Nunatsinni inuiaqatigiinni meeqqanut suli atualinngitsunut illoqarfinni nunaqarfinnilu paaqqutarineqarnissamik pisariaqartitsisut ulluunerani paaqqinnitarfinni angerlarsimaffinniluunniit sapinngisamik pitsaanermik paarineqarnissamik neqeroorfigineqarsinnaanersut, Partii Naleqqap siulittaasuata Hans Enoksenip apeqquteqaat aallaavigalugu Inatsisartuni oqallisissiatut siunnersuutigaa.

Meeqqat utaqqisutut allatsissimasut kommunini sisamaasuni katillugit 416-iusut, Nivi Olsenip ilisimatitsissutigaa.

- Tamatta anguniarparput meerartatta meeraanerminni pitsaasunik atugassaqartinnissaat, minnerunngitsumillu toqqissisimanartumik ineriartortinnissaat. Nunatsinni sumiiffinni amerlasuuni meerartatsinnut paaqqinniffissamik amigaateqarpugut, minnerunngitsumik isorliunerusuni, Hans Enoksen, oqallisissiatut saqqummiussinermini ilaatigut taama oqarpoq.

Ilinniartitaanermullu Naalakkersuisup Nivi Olsenip, naalakkersuisut sinnerlugit oqallisissiamut akissuteqarnermini apeqquteqaat pingaarulittut taavaa.

Naalakkersuisut nuna tamakkerlugu ingerlanneqartussamik init meeqqat atualernissaat sioqqullugu aamma meeqqat atuarfianni atorneqartut qanoq pitsaassuseqarnerannik nalilersortilereeraat, Nivi Olsenip Hans Enoksenimut akissuteqarnermini ilaatigut oqaatigaa, nalilersuinerullu nuna tamakkerlugu anguniagassat suliniutissallu pilersaarusiornissaannut tunngavissiinissaa aamma oqaatigalugu.

Meeqqanik ulluunerani paaqqinnittarfeqarnermi init pisariaqartinneqartut annertusineqarnissaannut nunaqarfinni illoqarfinnilu minnerni atorneqartussatut Inatsisartut 2014-imut 2015-imullu aningaasanut inatsisaanni ukiumut 10 millionit koruunit aningaasaliissutaasimapput.

Ulluuneranilu meeqqanik sullissinermi ikiortinngorniarnermik ilinniartitaaneq alimasissumi atuartitseriaaseq atorlugu ilinniarneqarsinnaasoq 2014-imi aallartinneqarsimasoq Ilinniartitaanermut naalakkersuisup eqqaasitsissutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!