Hans Enoksen: Nunatta 2021-mi naalagaaffinngornissaa piviusunngortikkuminaassinnaavoq
Kalaallit Nunaatami 2021-mi naalagaaffinngornissaa piviusunngussappat ataatsimoortumik tapiissutit ukiumut 3,7 milliardit missaanniittut taartissaannik nassaarniartariaqassaaq, akisussaaffeqarfiillu sinneruttut Danmarkimit Nunatsinnut nuunneqarnissaannut atatillugu 3,7 milliardit koruunit saniatigut 576 millionit koruunit aamma pissarsiarineqartariaqassallutik.
Nunatta naalagaaffinngornissaanut aningaasaliissutissat pillugit siunnersuuteqaraluarluni, nunatta 2021-mi naalagaaffinngorsinnaanissaa ajornakusoorsinnaasoq Partii Naleqqap nassuerutigaa:
- Piffissaq aanaararsuaq aamma takusinnaavarput taanna imaaliallaannaq eqqortinneqarsinnaarpasinngitsoq aamma partiit allat naapinniagassaapput minnerunngitsumillu inuiaqatigiit taasitinneqartussaallutik, Partii Naleqqap siulittaasua Hans Enoksen Qanoruumut oqarpoq.
