Avammut tunisat nalingi 377 millionit koruuninik amerleriaateqartut
Raajanik qaleralinnillu nunanut allanut tunisinerit Nunatta aningaasaqarneranut iluaqutaapput.
Allattoq Anton Gundersen Lihn
oktobarip 26-at 2016 10:49
Nutserisoq Erna Lynge
Avammut tunisanit isertitat eqqussukkanullu aningaasartuutit naligiisikkaanni tunisat pisiallu oqimaaqatigiinnerat eqqarsaatigalugu iluaqutaavoq.
Kalaallit tunisassiaat ukioq manna ukiup affaani siullermi siornamut naleqqiullugu 377 millioner koruuninik qaffariarsimapput. Tassa immikkut Nunatsinnut isertitat eqqarsaatigalugit.
Ilutigitilluguli aamma nioqqutissat nunamut eqqussukkat amerleriarsimapput. Tamatumunngalu siorna taamaalineranut naleqqiullugu immikkut 342 millioner koruunit naliginut eqqussuisimavugut.
Ataatsimut isigalugu tunisat pisiallu oqimaaqatigiinneranni 35 millioner koruuninik iluanaaruteqarpugut.
Tunisalli pisiallu oqimaaqatigiinnerat ukioq manna maannamut amigartooruteqarluni ingerlavoq.
