Asii: Suliffinnik nuussuinani sumiiffinnik ineriartortitsisoqarli
- Aperisariaqarpunga ilumut Nunarput akissaqarpa?
Kommuneqarfik Sermersuumi borgmesteri, Asii Chemnitz Narup, Naalakkersuisut suliffinnik nuussinissamut kissaateqarnerat pillugu taama oqarpoq.
AAMMA ATUARUK Nussuineq milliardit affaannik akeqarsinnaavoq
Aningaasaqarnermut naalakkersuisoqarfiup suliffiit nuunneqassappata qanoq akeqassanersoq paasiniarlugu suliffeqarfik BDO naatsorsuitissimavaa. BDO naapertorlugu nuussuineq milliardit affaannik akeqarsinnaavoq.
- Ernummatiga uanga Nunatsinnut tamarmut tunngavoq. Nunattalu aningaasaqarniarnerata qanoq iluaquserniarneqarnissaa matumani takusinnaannginnakku.
Suliffinnik nuussuinermi sulisut sisamararterutaat nooqataassasut, sulisullu suliffimminnik nooqateqanngitsut amerliartortillugit aningasartuutit amerliartussasut, BDO-p naatsorsuutigaa.
Namminersorlutillu Oqartussat, Qeqqata Kommunia, Qaasuitsup Kommunia Kommune Kujallerlu illoqarfiit allat ineriartortikkusullugit sinerissamut nuussuiniarput.
AAMMA ATUARUK Udflytning af uddannelser må ikke gå udover kvaliteten
Illoqarfinnik allanik ineriartortitsinissamik kissaateqarnermut, Asii Chemnitz Narup isumaqataavoq, taamatulli suleriaaseqarneq apeqquserlugu.
Taarsiullugu suliffeqarfiit pioreersut ineriartortinneqarsinnaagaluartut, aningaasallu ilinniarfeqarfinnik qaffassaanermut ilaatigut atorneqarsinnaagaluartut, borgmesteri isumaqarpoq:
- Suliniutit nutaat eqqarsaatigineqartut pilersaarusiorneqaraangata, taava taakku Nuup avataanut sanaartorneqakuttoorlik.
BDO-lli misissuinera inerniliussaanngimmat, misissuinerillu suli ingerlanneqarmata, Kommuneqarfik Sermersuup pilersaarusiorneranut allannguinavianngilaq:
- Kisitseqqillutillu misissueqqinniarlik. Taava tutsuiginarnerulerpat soorunami uagut aamma malinnaakutsuussuugut, Kommuneqarfik Sermersuumi borgmesteri, Asii Chemnitz Narup, oqarpoq.
