Egyptenimi takornariartarfimmi marluk toqutaasut allallu ikilerneqarlutik
Immap aappalaartup eqqaani Hurghadami takornariat ukrainemeersut marluk savimmik sakkulisartumit toqutaasimapput.
Allattoq Ritzau
juulip 14-at 2017 13:37
Nutserisoq Erna Lynge
Egyptenimi takornariat ornittagaanni Hurghadami takornariat ukrainemiut marluk savimmik kapineqarlutik toqutaasimapput allallu sisamat ikilerneqarsimallutik.
Egyptenimiut aviisiat al-Masry al Youm allappoq toqutaasut marluk arnaasut ukrainemiut.
Taama allaaserinnittoqarnera sioqqullugu egyptenimi nunamut imminermut ministereqarfiup nalunaarutigaa takornariat Hurghadamiittut arfinillit savimmik ikilerneqarsimasut.
Ministereqarfiulli toqutaasoqarsimanersoq nalunaarummini uppernarsanngilaa.
Eqqugaasut nunani assigiinngitsuneersuusut ministereqarfik nalunaarsimasoq nutaarsiassaqartitsivik AP nalunaarpoq. Ministereqarfiulli ikilikkat sumiuuneri oqaatiginngilai.
