Assi: Hordaland fylkeskommune/Flickr

Efterskolerusuttunut piumasaqaatikittoq

Qallunaatoorluarsinnaannginneq efterskolernerup iluatsinnissaanut apeqqutaasaraluartoq tamanna piumasaqaataanngilaq.

Danmarkimi efterskolerusuttunut qallunaatoorsinnaaneq apeqqutaanngilaq. Ilinniartitaanermut qullersaqarfik taama paasissutissiivoq.

Atuartut Danmarkimi efterkolernissamut Namminersorlutik Oqartussaniit tapiiffigitikkusukkunik akuerisaanermik uppernarsaammik takutitsiinnassapput. Atuarfimmilu piginnaasat aalajangiisuuneq ajortut Ilinniartitaanermut qullersaqarfimmi siunnersorti Bebiane Olsen oqarpoq.

AAMMA ATUARUK Efterskolit pillugit oqallinnermi oqaatsit akulerunnagit

- Karakteerinut tunngasut klasselæriniillu oqaaseqaatit siornatigut tigusarnikuuagut. Massakkut karakterit kisiisa tigusalernikuuagut, Bebiane Olsen oqarpoq, 8. klassellu piareersimanissaa piumasaqaataalluni karakteerit apeqqutaaneq ajortut naqissuserpaa.

Atuartut qallunaatut piginnaasakillutik pisariaqartitallu amigaatigalugit efterskolerfissaminnut tikittartut KNR-imit sapaatip akunneri siuliini oqaluttuaraavut. Taamaattoqarnerata kingunerikkajuttarpaa atuarneq iluamik suli aallartinngitsoq atuartut angerlaannartariaqarneri.

Piareersarneqartarput

Tola Ludvigsen Minngortuunnguup atuarfiani Sisimiuniittumi atuartunut annernut siunnersortip oqaatigaa atuartut Danmarkimi efterskolerusullutik takorluuigaangata sapinngisartik atorlugu piareersarniarsarisaritik.

- Atuartut immersuitittarpagut pikkoriffii allattorlugit, qanoq atorniarneraat qanorlu atorniarneraat siunissami, Tola Ludvigsen oqarpoq.

AAMMA ATUARUK Efterskolemik naammassinngitsoortartut Peqatigiiffik Kalaallit Meerartaannit iklisinneqarsinnaapput

Taassuma misilittagai aallavigalugit atuartut Danmarkimut apuussimalerlutik piviusoq aatsaat paasileraangamikku angerlarsilertarput.

- Allaannginnami immaqa kulturi ilisimaleraluarlugu alla kulturi atillugu. Tassani angerlarserlutillu piviusumut pigaangamik peqqissiminerit angerlarusunnerillu annerulerpasittarput.

Danmarkimi inuunerup qanorinneranik siunnersortip atuartut piareersartarpai. Efterskolernissamulli piareersarnissamut akisussaaffik angajoqqaaniittoq taanna oqarpoq.

- Akisussaanerpaapput angajoqqaat atuartuutimik aallarnissaannut piareersaanissamik, Tola Ludvigsen oqarpoq.

Danmarkimi efterskoleriartartunut 15 millionit koruunit Kalaallit Nunaata ukiumut atortarpai.

AAMMA ATUARUK Angajoqqaat atuarfiillu efterskolertussat ajutoortittaraat

AAMMA ATUARUK Atuartut efterskolernissamut piareersarneqartassapput

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!