Dronningip Savalimmiunut tikeraarnissaa qinersisoqarnissaa pissutigalugu taamaatiinnarneqartoq
Tassa kunngikkormiut Savalimmiunut tikeraarnissartik kinguartissimavaat, qaqugulu tikeraassanersut avammut suli nalunaarutigineqanngilaq.
Folketingimut qinersisoqarnissaanut atatillugu pilersaarutit piareersarneqarnerat pissutaalluni kunngikkkormiut tikeraarnissaraluat ajornakusoortinneqarpoq.
Savalimmiuni naalakkersuisut siulittaasuata kunngikkormiullu pilersaarutit oqaloqatigiissutigereerlugit aalajangerpaat Dronning Margrethep uiatalu Prins Henriup tikeraarnissaat kingusinnerusukkut pisussanngorlugu aalajangiiffigisimagaat. Kunngikkormiut paasissutissiisartuat Lene Balleby tusagasiuutinut nalunaarummi ilaatigut taama allaaserisaqarpoq.
Kunngikkormiut tikeraarnissaraluat piffissami kingullermi oqallisigineqangaatsiarpoq, tassami Savalimmiuni naalakkersuisut siulittaasuat Kaj Leo Holm Johannesen aamma qineqqusaarmat. Dronningip uiatalu Savalimmiunut tikeraarnerat Naalakkersuisut siulittaasuata qinersisoqarnissaanut atatillugu tamanna atorluarniarsarisinnaagaa, isornartorsiuisut ilaatigut oqaatigaat.
