Dronningip 75-iliinera Nuummi ima nalliuttorsiutigissavaat
Nuummi innuttaasut Dronningip nalliuttorsiutigineqarnissaa Nuutoqqami malinnaavigisinnaassavaat, assigiinngitsunik pisoqartitsissalluni. Kommuneqarfik Sermersooq tusagassiuutinut nalunaarummi taama allaaserisaqarpoq.
Qamutilittartut saniatigut ataatsimut erinarsoqatigiittoqassaaq, "Nunarput Utoqqarsuanngoravit" atorneqassalluni, Kommuneqarfik Sermersuumilu borgmesteri Asii Chemnitz Narup kingorna taava oqalugiassaaq, kingornalu inuuissiortoortoqassalluni.
Assigiinngitsorpassuarnik aaqqissuussaqassaaq
Hinnarik aamma Frederik Elsner Ataqqinartorsuaq Dronning Margrethep Aappaat nalliuttorsiutigalugu meeqqanut taava erinarsussapput, Kammak Bamsenilu aamma takkutissalluni.
Issittumi Sakkutooqarfimmit Air Greenlandimit politiinillu peqataaffigineqartumik Ataqqinartorsuup Dronning Margrethep Aappaata nalliuttorsiutigineqarnera taava naggaaserneqarumaarpoq, annaassiniarlutik sungiusarnerat Nuutoqqamit isiginnaarneqarsinnaassalluni. Tassa Dronningip nalliuttorsiutigineqarnera Nuummi innuttaasut malinnaaffigisinnaassavaat, apriilillu ulluisa 16-ianni ulloqeqqalernerani nalunaaqutaq ulloqeqqanut tanneq aqqarnermut aallartittussamik nalliuttorsioqataasinnaassallutik.