Dronningi tv-kkut toqqaannartumi apeqqarissaarfigineqassaaq

Dronning Margrethe pingasunngornermi januaarip aqqarnanni siullerpaamik tv-kkut toqqaannartumik apeqqarissaarfigineqassaaq. TV2 taama aallakaatitsinissamut siullerpaajussaaq tusagassiortorlu Ulla Terkelsen apersuisuussalluni.
Allattoq Mads Lynge
januaarip 05-at 2012 09:54

- Dronningip toqqaannartumik apeqqarissaarfiginissaa pissanngatigeqaara, apersuinissani ippassaq saqqummiunneqarmat Ulla Terkelsen oqarpoq.

Tv-kkut toqqaannartumik apersuineq Amalienborgimi pissaaq, Dronningillu ukiunik 40-nngortorsiornissaanut januaarip 14-ianni pisussamut tunngassuteqarluni.

- Oqartoqarsinnaavoq marluulluta suliatsinnut tunngatillugu ukiuni qulikkaartuni sisamani kingullerni nunarsuarput allanngoriartortuartoq malinnaaffigigipput, matumani nuannersortai unammilligassallu ilanngullugit, Ulla Terkelsen oqarpoq.

Qallunaat tv-kkut isiginnaartartut apeqqarissaarnerup immikkuualuttortaanik malinnaasinnaaniassammata HD-formatinngorlugu aallakaatinneqassaaq, soorlu aamma tusilartut ikiorserniarlugit toqqaannartumik allagartalersorneqassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq