Dronning Ingridip Peqqissaavia 2015-ip aallartisimalernerani tallimanngornerit arfineq marluk matoqqassaaq

Napparsimasut pillugit nalunaarsuineq qarasaasiakkut ingerlanneqartalissaaq, Nuummilu Dronning Ingridip Peqqissaavia sinerissami qitiusumik immikkoortortaqarfinni siulliulluni atuutilersitsissaaq. Novembarimi Nuummi Dronning Ingridip Napparsimavissuani napparsimasut pillugit qarasaasiakkut nalunaarsuissut atuutilersinneqarpoq.
Allattoq Niels Krogh Søndergaard
decembarip 19-at 2014 18:53
Nutserisoq Tikaajaat Kristensen

Dronning Ingridip Peqqissaavia tallimanngornerit arfineq marluk marsip tungaanut matoqqasassaaq. Atuutilersitsiniarnermi sulisut peqataanissaat pisariaqarmat. Tallimanngorneq januaarip 15-iani 2015-imi Peqqissaavik matoqqaqqaassaaq tallimanngornerlu marsip arferngat matoqqaffissat kingullersarissallugu. Nakorsalli oqarasuaatikkut attaveqarfigineqarsinnaajuassapput.

 

Napparsimasut pillugit qarasaasiakkut nalunaarsuissut napparsimasunik sullissinermut pitsaannguutaassasoq, Peqqissutsimut Pitsaaliuinermullu Aqutsisoqarfiup pisortaa, Jóanis Erik Køtlum, oqarpoq.

 

- Qarasaasiakkut nalunaarsuissut sumiikkaluaraanniluunniit nalunaarsukkat pissarsiarineqarsinnaalernissaat pissutigalugu, innuttaasunut toqqissinarneruvoq. Sulisut napparsimasut pillugit qarasaasiakkut nalunaarsuiffittaarnikkut, ataatsimoorussamik napparsimasut nakorsartinnerminnut atatillugu aqqusaartugaannik pitsannguisussamik, qarasaasiakkut sullississutitaassapput, Jóanis Erik Køtlum oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq