Nukappiaraq 10 kilometerisut qutsitsigisumi inunngortoq

Qilammut qiviarluni timmisartorsuit qutsissumi ungaseqisut nunarput qulaallugu ingerlaartut timmisartuaqqatut isikkunissimasut takusimassajunnarsivatit. Eqqarsarnarluni tappavanimita timmisartortut sulerippat?
Assi © : AF.mil
Allattoq Karsten Sommer, Ane-Marie Petersen
januaarip 22-at 2018 10:28

Timmisartorsuit ilaanni nunarput qulaallugu ingerlaartumi Air Francemi pissanganartumik pisoqaqqammerpoq. Timmisartorsuaq Parisimit New Yorkimukartillugu ilaasut ilaat ernisulersimavoq.

Arnaq nigeriamiu ernisulermat timmisartup naalagaa ernumalluni ilaasumi akornani nakorsaqarnersoq apeqqutigimmagu indiamiu 27-inik ukiulik Sij Hemail ikiuussinnaanerarpoq. Taassuma nalunaaqutap akunnerata ataatsip missaa timmisartoq ernisarfittut atorlugu ernisussiorpoq naak misilittagakikkaluarluni.

- Ajortoqarsimasinnaagaluartoq guutip ikiorpaatigut, ernineq ajunngitsumik qaangiutereertoq nakorsaq indiameersoq oqarpoq. Arnaq nigeriamiu peqqissunnguarmik ernertaarpoq.

Ernineq pivoq timmisartorsuup kujataa qaangilaannguaraalu, pressks.com taama allaaserisaqarpoq.

New Yorkimut tikimmata ambulance utaqqivoq, anaananngorlaaq ernerlu aallugit. Nakorsarlu Sij Hemail ikiuunnerminut champagnennatsinneqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq