DR-mi sulisup nuliata hestiata nuunneranut DR 70.000 koruuneertoq
DR-ip Washington DC-mi ilanngutassiortuata Johannes Langkildep nuunnerani nuliata hestiata angallanneqarnera Danmarkimi isiginnaartartut akiliutaannik akilerneqarsimasoq, radioqarfiup Radio24syvimi sulisup pappialanik uppernarsaatini takusimavaa.
Allattoq Jonas Fievé
januaarip 11-at 2017 11:47
Nutserisoq Erna Lynge
Hestip angallanneqarnera momseqanngitsumik 69.225 kroner 75 øreqarsimavoq.
DR-imi pisortat ilaata Sandy French-ip Radio24syvip paasissutissaatai uppernarsarpai:
- Peqqutissaqarsorinngilanga akiliutip uppernarsaataata pigisassi ilumuunnginnerarnissaanut, Radio24syvimut taanna taama oqarpoq.
Sandy Frenchilli oqaaseqarfigerusunngilaa sooq DR-imi isiginnaartartut akiliutaannik atorfillit hestiutaasa nuunneri akilerneqartassanersut:
- Paasisinnaalluarpara nutsernermut matumunnga soqutiginninnersi, ilanngutassiortortali DR-imut isumaqatigiissutaasa imaat pillugit oqaloqatigerusunngilassi, taanna radioqarfimmut taama itisiliivoq.
