DR-ip X-factori aallakaatittarunnaarniaraa
X factorimik aallakaatitaq kingulleq naammassippat isiginnaagassiaq DR-ip aallakaatitsivianiikkunnaassaaq.
DR-imi aalassatstsissutaasunik pisoqaleruttorfiup nalaani taama aalajangiisoqarpoq, DR-imut aningaasaliissutit sipaaruteqarfigineqarnissaannik oqallittoqaleruttorpoq, suliallu assigiinngitsut oqallisaaqisullu pileruttorfianni taama aalajangiisoqarluni.
DR-illi siunissaata politikkikkut isumaqatigiissutiginiarneqarnissaa pillugu taama aalajangiisoqanngilaq. Tusagassiutini pisortaq, Henriette Marienlund taama oqarpoq.
- Matuma aalajangiineq DR-imi aallakaatittakkanut tunngavoq. Qanoq aliikkusersuisarusunnerput aallaavigalugu taama aalajangiivugut, Marienlund oqarpoq.
X Factor DR-ip 2008-mili aallakaatittalerpaa aallakaatinneqaqqaartarneraniillu isornartorsiorneqartarsimavoq. Aallakaatinneqaqqaarpiarami Kristeligt Dagbladimit ”tv-kkut kanngunarsaanermik” taaneqarpoq, Sørine Gotfredsenillu isiginnaagassiaq ”inuit qanoq ittuunerannik isiginnissinnaanngissuseqarnertut” taanikuuaa.
Politikerit arlallit isiginnaagassiap 2017-imi aallartinnerani isornartorsiuipput allamillu aallartitseqqusillutik, taamaakkaluartoq danskit 1,6 millionit isiginnaagassiami unammersuartut isiginnaarsinnaasimavaat.
AAMMA ATUARUK Grønlands eneste chance til X-factor
