Dorphip pilersaarusiarsuaq unitsittariaqarpaa
- Pilersaarut Newportimik taallugu suliaq, juuni aallartilaartoq Naalakkersuisut ataatsimeeqatiginerata kingornatigut unitseqquneqarnera pissutigalugu suliaq taanna uggorisatsinnik unitsissimavarput. Ingerlalluarsimagaluaratta, kisiannili tassa taamaa pisoqarsinnaasimanngilaq, Ole Dorph oqarpoq.
Ilulissami Mittarfik tallineqarnissaa, tulattarfimik nutaamik sanasoqarnissaa hotelinillu amerlanernik aamma sanasoqarnissaa pilersaarusiami Newportimi siunertaavoq, taannali Naalakkersuisunit tapersersorneqarunnaarnerata kingorna tassa unitsinneqartariaqalersimalluni. Namminersorlutik Oqartussat maanna mittarfioreersumut kisimi qularnaveeqqusiisussaagaluarpoq.
Aamma atuaruk Qaasuitsup Kommunia takinerusumik mittarfeqalerusuppoq
Pilersaarusiaq siunnersorteqarfik Danmarkiminngaanneersoq Nextpartners Aps suleqatigalugu Qaasuitsup Kommunianit ukiut pingasut kingulliit sulissutigineqarpoq.
3-4 millionit koruunit atoreerneqareeraluarput
Siunnersorteqarfiullu pilersaarusiamit periarfissat pissarsissutaasinnaasullu naatsorsorpai.
Sulisimaneralli Kommunimut akikissimanngilaq.
- Qanoq aningaasanik naleqarnera ilisimaqqissaanngilara. Immaqa 3 - 4 millionit koruunit missaanni naleqassaaq, Ole Dorph oqarpoq.
Qaasuitsup Kommuniata ukiumut 1 million koruunit missaanni Newportimut taamaasilluni atortarsimavai.
Aamma atuaruk Iluliarmiut kinamiut oqaasii atorlugit tikilluaqquaat
Aningaasat iginneqanngillat
Iluarsartuullugu pilersaarusiaq akikissimanngitsoq, Ole Dorphip aamma nassuerutigaa. Suliarlu maanna unitsinneqaraluartoq suliami paasineqartut attaveqarnermut naalakkersuisoqarfimmut tunniunneqartut, Ilulissanilu mittarfik pillugu siunissami sulisoqalerpat paasisat aallaavigineqarsinnaasut, borgmesterip oqaatigaa.
- Kisianni ukua aningaasat atorsimasagut imaanngillat iginneqartut, kisianni iluaqutaasimapput, uuma suliap massakkut aallartittussap naqqaniit aallartinnginnissaanut, Ole Dorph taama oqarpoq.
Newportimik pilersaarummut atatillugu mittarfiliornissaq 945 millionit koruuninik missaanni akeqassasoq missiliutaavoq.
