VIDEO Donald Trump tusagassiuutinik isornartorsiueqqittoq

Donald Trump Floridami illoqarfimmi St. Augustinemi republikanerit qinersisartunik ataatsimiititsimmata najuuppoq.

Sapaatit-akunneri marluk qaangiuppata Amerikami præsidentimut qinersisoqassaaq, Trumpillu kingumut erseqqissaatigaa qinersisartut tusagassiuutit pingaartumillu unammillertini Hillary Clinton tusaaniassanngikkaat.

- Tusagassiuutit uanga kisima akerlerinngilaannga. Tamassi akerlerineqarpusi. Uanga malersunngilaannga. Isumaliortaaserpununa akueriumanngikkaat. Hillary Clintonitulli inuit sulilluartut ammut isigaat. Taamatorpiaruna pisoqartoq, Donald Trump oqarpoq.

Qinersisartunik ataatsimiititsinermi qanga pissusilersuutigisarsimasani aamma isornartorsiorpai.

Sivisuupilussuarmik illuatungaaniippunga. Iluartupilussuuvoq. Taavali aalajangissaqarpunga... Sunatoq? Tassa, nunarput asagallugu ingerlanerluttorlu, Trump taama oqarpoq.

AP/RITZAU