Donald Trump qularnaveeqqusiussanut taarsiullugu 175 millionit dollarinik akiliisoq
USA-p præsidenterisimasaata, Donald Trumpip, peqquserluttuliorsimasutut pasineqarluni akiliisussanngortinneqarnermini qularnaveeqqusiussanut 454 millionit dollariusunut taarsiullugu 175 millionit dollarit, imaluunniit 1,2 milliardit koruunit missaat naalagaaffimmi New Yorkimi akiliisussanngortinneqarnini maanna eqquutsillugu akilerpai.
Nutaarsiassaqartitsivik Reuters taama allappoq.
Trumpip qularnaveeqqusiussanik 454 millionit dollarinik, imaluunniit 3,1 milliardit koruunit missaannik akiliisussanngortinneqarnikuuvoq, taakkualu sapaatit akunnerata siuliani kingusinnerpaamik ataasinngornermi akilersimasussaagaluarlugit.
Akiliiisussanngortinneqarneranilli suliaq kinguartinneqassasoq, New Yorkimi eqqartuussivik ingerlatitseqqiisarfik aalajangerpoq, kingusinnerpaamillu ullut qulit ingerlaneranni 175 millionit dollarinik akiliisussanngortitsilluni.
Præsidentiusimasup 450 millionit dollarit sinnerlugit akiligissani nassaariniarpiloorpai, akiliersinnaanngikkunigillu pigisai nalillit arsaarinnissutigineqaratarsinnaalerlutik.
Trumpili eqqartuussiviup aalajangiineranik suliareqqitassanngortitsinerani ajorsassagaluarpat, akiligassat sinneri kingusinnerusukkut akilertariaqalersinnaavai.