DMI sermersuarmi oqqumukaartitsisoq

Ullut arfinillit akunnerit 22-t minutsillu 20-t.

Nunatta kangianiit Isortumiit nunatta kitaanut Kangerlaussuarmut sermersuakkut ikaarlugu pisulluni rekortiliisoq taama sivisutigisumik pisussimavoq.

Sermersuakkut ikaartoq norgimeersuuvoq Ivar Tollefsenimik atilik. 

Taassuma juunip ulluisa 14-aniit 19-aninut sermersuaq pisulluni, arpattarluni sisoralaartarlunilu ikaarsimavaa.

Pisukkumatuup Isortumiit Kangerlaussuarmut ikaartigani erngerluni rekordiliinissani siunniussimavaa. Taannami angut siornatigut rekordiliinikuusimavoq 2015-mili anguneqarsimagaluarluni. 

DMI nittartagaani taama allaaserineqarpoq.

Rekordileeqqipporlumi - DMI-mi silasiortut ilaatigut ikiortigalugit. 

Silasiortummi Ivar Tollefseni siunnersorsimavaat kangiatungaaniit kitaanut pisussasoq. 

DMI-mmi juunip ulluisa 14-aniit 19-anut kujasik kangisimmik anorlernissaa siulittuutigisimavaat. 

Pisuttorlu kitaaniit aallarsimagaluaruni rekordiliniarnini iluatsissimassaneraa qularnarpoq.

- DMI-p soqutiginnilluni tapersersuinera ingerlaarninni apuutereerninnilu qujamasuutigaara, Ivar Tollefseni ullut arfinillit akunnerit 22-t minutsillu 20-t atorlugit sermersuaq ikaareerlugu oqarpoq.