Disko Linep angalasut umiarsuarnik apuussorpai
Disko Linep piginnittua Jørgen Nielsen, arlalinnit isornartorsiuisoqaraluartoq isumaqarpoq qulimiguulinnik umiarsuarnillu atuilluni angallannikkut aaqqissuussinerup nutaap pitsaasuunera takuneqarsinnaalereersoq.
Kujataanimi umiarsuaanerusut atorlugit ilaasunik angallassisoqarpoq.
AAMMA ATUARUK Disko Linep inissilluarnissaanut periarfissinneqarli
- Kujataani ilaasut ingerlaqqissinnaanngitsut ikitsuararsuupput - ataasiakkaaginnaapput - naak silap qanoq innera eqqarsaatigigaanni allatut pisoqarsimasinnaagaluartoq, Disko Linep piginnittua Jørgen Nielsen taama oqarpoq.
Marloqiusamik aaqqissuussineq iluaqutaasoq
Jørgen Nielsen naapertorlugu, Kujataani qulimiguullit umiarsuillu atorlugit marloqiusamik angallannermi aaqqissuussineq nutaaq, piffissami kingullermi silap qanoq inneranut tunngatillugu iluaqutaalluarsimavoq.
AAMMA ATUARUK Disko Line lover bod og bedring
- Qulimiguullit angalanissaat amerlasuupilussuit taamaatiinnarneqartariaqarsimapput, taamatullu pisoqarnerani angallassinissat targanik Aviaq Ittummillu naammassisinnaasimavagut, Jørgen Nielsen taama oqarpoq nangillunilu:
- Ullumikkut pisut aallaavigisinnaavugut (sisamanngornermi januaarip aqqaneq-aappaani, aaqq.). Qulimiguullit angalasinnaanngillat, ilaasussalli amerlanersaat angallatinik apuussorpagut.
Qeqertarsuarmi Qeqertarsuullu tunuani aallartinnerliortut
Angallassinissamik taamaatitsisoqassanersoq naalakkanit ataasiakkaanit aalajangiiffigineqartartoq Jørgen Nielsenip erseqqissaatigaa.
- Qulimiguulimmi naalagaq angalasoqannginnissaanik naliliippat, taava qulimiguulik aallassanngilaq. Angallammi naalagaq angalasoqannginnissaannik naliliippat, taava aamma aallartoqassanngilaq, Disko Lineli Qeqertarsuup tunuani sila pissutigalugu aallartinnerliorneruvoq.
AAMMA ATUARUK Takornariakinnerulernissaq ingerlatsisut aarlerigaat
- Illoqarfiit ilaannit aallarnaveertoqarnera erloqissutigineqarpoq, sapinngisamilli pitsaanerpaamik aaqqiissuteqarfiginiartarpagut, Disko Linemik piginnittoq Jørgen Nielsen KNR-imut taama oqarpoq.