Inuussutissarsiutit

Disko Line piareersaleruttortoq

Kiffartuussinissamut isumaqatigiissuteqalernermi kingorna ilaasunik tikilluaqqusinissaminnut Disko Line piareersaleruttorpoq.
Allattoq Thomas Munk Veirum, Bibi Nathansen
oktobarip 21-at 2016 08:00

Disko Line umiartortussanik allaffinnilu sulisussanik atorfinitsitsileruttorput, angallatinillu nutaanik sisamik pisisimallutik.

Disko Linemi piginnittoq Jørgen Sølvsten Nielsen aviisimut Sermitsiamut taama oqarpoq.

Ukiuni arlalinni Jørgen Sølvsten Nielsen Nunatsinni takornariaqarnermi suliaqarsimaqaaq. Angallatsitsivimmik Topas Rejser piginnittuuvoq, ilaatigullu Blue Ice Explorerimi World of Greenlandimillu piginneqataalluni.

Jørgen Sølvsten Nielsen naapertorlugu, Qaasuitsup kommuniani borgmesteri Ole Dorph 2016-imi upernaakkut piginneqataajunnaarpoq.

- 2016-ip aallartinneranu Ole Dorphip Disko Linemi piginneqataassutai tamaasa pisiaraavut, isumaqatigiissutit isumaqatiginninniutigineqalinnginneranni. Aamma taanna ullumikkut Disko Linemi sunniuteqanngilaq, Jørgen Sølvsten Nielsen oqarpoq.

Aamma atuaruk

Inuussutissarsiutit

Issittumi umiarsuit sorsuutit marluk ukiuni 15-ini qamutilittarsinnaanngitsut

Politiit ullormut nalunaarusiaat: Tillinniartoqarlunilu tillinniariaraluartoqarpoq