Inatsisartuni ullumi oqaluuserisassat
Inatsisartut ullumi ataatsimiinneranni oqaluuserisassat assigiinngitsut arfineq marluk oqaluuserissavaat.
Umiarsuarnut takornariartaatinut akitsuutip atorunnaarsinneqarnissaanik siunnersuut pingajussaaneerlugu oqaluuserineqassaaq taasissutigineqarluniu.
Pisortanut akiitsut akilersinniarneqartarnerat pinaveersaartinneqarnissaannullu allanngutissatut siunnersuut aama
Kalaallit Nunaanni sulisilluni ajoqusersinnaanermut isumannaarineq pillugu siunnersuut.
Inatsisartut oqaluuserisassaanni immikkoortut sisamaanni inatsisartut aamma Inatsisartut allaffeqarfiani aningaasartuutit tamanit takuneqarsinnaanngornissaat kiisalu kialluunniit paasiniaasinnaanngornissaa anguniarlugu Inatsisartut Suleriaasiata allanngortinnissaanut Inatsisartuttut Siulittaasoqarfia saqqummiusseqqullugu peqquneqarnissaanik Inatsisartut aalajangiiffigisassaattut siunnersuut.
Inatsisartut ullumi ataatsimiinneranni kingulliullugu oqaluuserisasavaat, Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaata allanngortinneqarnissaanut Naalakkersuisut allannguutissatut siunnersuuteqaqqullugit peqquneqarnissaannik Inatsisartut aalajangiiffigisassaattut siunnersuutaat
Inatsisartut ataatsimiinnerat toqqaanartumik TV-kkut isiginnaarneqarsinnaavoq (KNR 2-mi ) aamma radio-kut tusarnaarneqarsinnaalluni, taamaattumik nalunaaqutaq ataatsimiit tallimat tungaanut akunnikkuutaartumik radioaviseqassanngilaq.
