Demokraatit Tunumi mittarfiliornissamut pilersaarutinik ujartuisut
Naak mittarfissat pingasut pillugit pilersaarutit akilersorneqarnissaat suliluunniit inissinneqanngikkaluartoq, Demokraatit isumaqarput Tunumi mittarfiit tamatuma unitsittariaqanngikkai.
- Isumaqarpunga pisariaqavissortoq mittarfiit siunissaat eqqartorluassallugu aammalu angallannermut ataqatigiinneq ajunnginnerusoq ujartortariaraqaripput, Randi Vestergaard Evaldsen taama oqarpoq.
AAMMA ATUARUK Lufthavnsbyggeriet bør ikke gå ud over borgerne
Aningaasanut inatsisissamut aappaagumoortumut mittarfiit maanna pilersaarutigineqartut aningaasalersorneqarnissaannut tigussaasumik siunnersuuteqarpoq.
Mittarfiilli Tunumiittut marluk eqqaaneqaraangasa aappaagu inatsisissamut akissaqartinneqassappata Naalakkersuisut kinguartittarpaat.
Demokraatilli aalajangiissagaluarpata tamanna allaanerussagaluarpoq.
- Tunngavilersuutit imaqarluartut atorfissaqartittuaannarpagut aalajangiiniarnermi. Tunngavilersuutit; qaqugu aallartisarniartoqarnersoq, qanoq isikkoqassanersoq, sumiissanersoq. Tamakkua tunngavilersuutit pisariaqartittuaannarpagut, tamakkuupput aamma aalajangiiniarnermi uagut atortakkagut.
AAMMA ATUARUK Planlægningen om finansiering er stadig i gang
Randi Vestergaard Evaldsenilli nalornisiginnginnerarpaa Nuummi, Ilulissani Qaqortumilu mittarfinnut pilersaarutit piviusunngortinneqarnissaat.
Tunumili mittarfissat suliarineqarnissaannut unissutaasariaqanngillat.
- Oqarsinnaanngilagut, ajunngilaq nunatsinni una immikkoortortaqarfik piareereerpat aatsaat nunatta kangiani, Tasiilami Ittoqqortoormiinilu, aallartisassavagut. Taamaattoqarsinnaanngilaq, Randi Vestergaard Evaldsen.
Tunumi mittarfiit marluusut suliarinissaannut koruunit 800 millionit 1,4 milliardit koruunillu akornanni atorneqassasut Naalakkersuisut naatsorsuutigaat.
