Demokraatit sisamanik qinigassanngortitsiniarput

Folketingimut qinersinissamut Demokraatit sisamanik sassartitsiniarput.
Allattoq Noah Mølgaard
juulip 11-at 2011 08:12

Demokraatit siulittaasuat Jens B. Frederiksen nalunaarpoq Folketingimut qinigassanngortitassanik aqagu marlunngornermi tamanut saqqummiunniarlugit. Maannali ilisimatitsissutigaa sassartitassatik tassaasut arnat marluk angutillu marluk.

Tusagassiortunik katersortitsinermi aqagu taakku ilisaritinneqassasut nalunaarutigineqarpoq.

Siumup qinigassanngortitani ukioq januaarimi saqqummiuppai Inuit Ataqatigiillu qinigassanngortitatik juunimi saqqummiullugit. Atassut aamma Kattusseqatigiit Partiiat suli qinigassanngortitassaminnik qinigassanngortitsiniarnerlutilluunniit nalunaaruteqanngillat.