Demokraatit: Partiit suleqatigalugit pinaveersartitsissaagut
Taassuma pinaveersaartitsisarsimanerit iluaqutaasimannginerarpai, partiillu allat suleqatigalugit aaqqeerusulluni.
Ukiumut naartuersinnerit 800-juusut ikilisinniarlugit peqqinnissamut naalakkersuisoq Doris Jakobsin qanoq iliuuseqarniarnersoq inatsisartunut ilaasortaq apeqquteqarpoq.
- Misigisimavunga apererusullunga naartuersittarneq pillugu, ullumikkut naliginnaalaarpasikkami naartuersittarneq naartunaveersaatitut atornissaa, Demokraatineersoq Randi Vestergaard Evaldsen taama oqarpoq.
Taassuma peqqinnissamut naalakkersuisoq aperaa siunissami qanoq pinaveersartitsiniarnersoq, Doris Jakobsinilu akissutimini pinaveersaartitsinerit assigiingitsut ullumikkut atuuttut eqqaavaai, soorlu naartunaveersaatit akeqanngtsut, inuusamik naalungiarsuuteqartuusaarneq allallu.
Aamma atuaruk Naartuersinneq 10.000 koruuneqartarpoq
Randi Vestergaard Evalsenilli akissutisiamini siunissami iliuusissat eqqartorneqarnissaat amigaatigaa.
- Isumaqarlunga allatut eqqarsartariaqalersimasugut immaqa inuiattut aamma naartuersittarneq pillugu, aammalu pinaveersaartitsinermut.
Naartuersittarneq akeqalissasoq, partiinit allanik siunnersuutigineqaqqammerpoq. Kisianni taama allannguisoqarpat inuiaqatigiinni sanngiinnerit eqqugaassasut Demokraatit isumaqarput. Angusarissarfiunerpaamilli pinaveersaartitsinissamik aaqqissagaanni, partiini oqaloqatigiinneq pingaaruteqartoq oqaatigaa.
- Tassa neriuutigivara ataatsikkut partiiusugut suleqatigiisinnaasalluta strategimit suleriaasissamik allamik nassaarsiornissatsinnut, Demokraatit oqaaseqartartuat Randi Vestergaard Evaldsen taama oqarpoq.