Demokraatit: Naalakkersuisuugallartut isertuussaqarput

Qaammatit tallimat sinnerlugit Naalakkersuisuugallartunit utaqqisinneqarsimalluni, Palle Christiansen oqarpoq.

- Qaammatit tallimat sinnerlugit Naalakkersuisuugallartunit utaqqisinneqareerpunga. Piumaannarnikuugaluarpakka takussutissiat Naalakkersuisunut ilaasortanit taarseraattunit nunanut allanut tunngasunik suliaqartartut angalasimanerannut tunngasut, tunniussassat pisiarineqarnikut allallu, eqqoriaassutigisinnaasara pitsaanerpaaq tassaavoq Naalakkersuisut arlaannik isertuussaqartut, Demokraatit siulittaasuata tullia Palle Christiansen oqarpoq, nangillunilu:

- Imaassinnaavoq kukkusunga, tamanna naqissuserusuppara, kisianni pasinapiluppoq Naalakkersuisuugallartut piaaralutik paasissutissanik pingaarutilinnik saqqummiussinaveersaarnerat, Palle Christiansen oqarpoq. Naalakkersuisut revisionsprotokollatimik taaneqartartumik saqqummiusserusunnginnerat taassuma tupigusuutigaa. Revisionsprokollaati tassaavoq naalakkersuisut aningaasanik atuisimanerannut allattuiffik.