Qulimiguullit: Decembarimut pilersaarutaareersut allannguuteqassasut
Allannguutilli decembarimut pilersaarutaareersunuunerusoq atuuttut, Air Greenlandimi pisortaanerugallartoq, Jacob Nitter Sørensen, KNR-imut oqarpoq.
- Ilaasussat ilaasa aallarfissaat allannguiffigisariaqarsimavagut. Taakkua Air Greenlandimit toqqaannartumik saaffigineqarumaarput, Jacob Nitter Sørensen oqarpoq.
Danmarkip Angallannermut, Sanaartornermut Ineqarnermullu Aqutsisoqarfiata nunatsinni qulimiguulimmik angallassinerup isumannaallisarneqarnera nutarterneqassasoq kissaatigaa.
Taamaammat timmisartortitseqatigiiffiup Air Greenlandip taartumi isigisaqarluni silaannakkut angallassinissamut tunngavissanik nutaanik suliaqarpoq.
Nalinginnaasumik angallaviusaraluartut allannguuteqassapput
Kaperlannerata nalaani nalinginnaasumik angallaviusaraluartut allannguuteqassapput, qulimiguullit taarluinnartillugu soorlu seqernup qaammatillu ataatsikkut tarrisimanerini timmisartuusseqqusaajunnaassammata.
- Siunissaq isigalugu taartarnerani angalanissamut pilersaarusiat aaqqissuuneqassapput, tamannalu pissaaq lux-tabeli atorlugu, Jacob Nitter Sørensen oqarpoq.
AAMMA ATUARUK Avannaani qulimiguulimmik timmisartuussinerit allannguuteqartut
Qaamanerup sakkortussusaa lux-imik taaneqartarpoq qaamarngullu qanoq sakkortutigaluni nunamut tuttarneranut uuttuutaalluni.
Ilaasunik angallassinissamik isumaqatigiissut Namminersorlutik Oqartussat Air Greenlandillu atsioqatigiissutigisimasaat allannguuteqassanngitsoq, pisortaanerugallartoq neriorsuivoq:
- Timmisartuussinissamut pilersaarutaareersut allannguuteqassanngillat. Taamaammat timmisartuussniikinnerulernavianngilagut.