DBU GBU-p soraarsitsineranut akulerunnianngitsoq

GBU DBU-lu ataatsimeereerlutik DBU GBU-p nunanut allanut sungiusaasumik, Tekle Ghebrelulimik, soraarsitsinera akuliuffiginiarnagu DBU oqariartuuteqarpoq.
Allattoq Mads Pedersen
aggustip 14-at 2017 16:06

GBU DBU-lu ataatsimiinneranni DBU-p siulittaasua Jesper Møller sungiusaasumik soraarsitsisoqarnera pillugu kiisalu GBU-mi siulittaasuusimasup John Thorsenip tunuarnera pillugu nassuiaaffigineqarpoq. Suliallu taakku GBU-p iluani pisuummata DBU akulerutissanngitsoq Møller oqarpoq. DBU taama allaaserisarpoq. 

AAMMA ATUARUK GBU-mi siulittaasoq soraarsitsisoqareersoq tunuarpoq

Oktoberimi 2015-mi GBU DBU-lu suleqatigiinnissamik isumaqatigiissuteqarput. Tassani anguniagassat ilaattut 2025-i nallertinnagu ivigaasanik arsaattarfittarfinnik arfinilinnik pilersitsinissaq isumqatigiissutaanikuuvoq. 

AAMMA ATUARUK GBU DBU-lu kommuninit qaangerneqartut

Ataatsimiinnermi isumaqatigiissutigineqarpoq GBU-p DBU-llu Nunatsinni isikkammik arsaanneq pillugu suleqatigiinnerat ingerlaannassasoq. Maanna 2015-mi isumaqatigiissutaasoq tulluussaqqinneqarnissaa aamma aalajangiunneqarpoq. 

AAMMA ATUARUK DBU-p siulittaasua Nunatsinni arsartarnerup siuarsaaviginissaanut 20-25 millioninik aningaasassaqartitsisoq