Politikki

Danskit partiimut tapiissutaat Siumup pisartagariinnassavai

Folketingimi ilaasortaatitaarukkaluarluni Siumup danskit partiinut tapiissutaa pigiinnassavaa.

Allattoq Helle Nørrelund Sørensen

aggustip 25-at 2016 11:23

Nutserisoq Erna Lynge

Isumaginninnermut - nunamullu imminermut ministereqarfik taama KNR-imut nalunaarpoq.

Folketingimut qinersinermi kingullermi Siumut 7.854-inik qinerneqarpoq.

Danskit naalagaaffiata partiinut tapiisinnaaneranut piumasaqaataavoq partiip ikinnerpaanik tusindinik qinerneqarsimanissaa, aamma Folketingimi ilaasortaatitaqanngikkaluaruniluunniit - taamaattumik Siumut danskiniit tapiissutisisassaaq.

Aamma atuaruk Bo Lidegaard: Aleqamut suliaq Kalaallit Nunaannut sunniuteqarnavianngitsoq

Partiip taaneqarnera tunngavigalugu 2015-imiit Siumut ukiumut 240.000 koruunik tapiiffigineqartarpoq.

Aleqa Hammond partiip ilaasortaajunnaarsikkamiuk Siumut partiimut taassuminnga akileraarutaasartoq annaava, siorna ukiumut 12.000 koruuninnassutigisimasani.

2015-imi parti 75.000 koruuninik sinneqartooruteqalaarpoq.