Danskit nunanut allanut tunngasunut ministeriat Camp Century pillugu isumasioqatigineqalersoq
Kristian Jensenip, Folketingip Kalaallit Nunaannut tunngasunut ataatsimiititaliaani isumasioqatigineqarneratigut tamanna pissaaq.
Camp Centurymit erngup maanngaannartup qinngornernik radioaktiviusunik akoqaranilu peqqissutsimut aarlerinaateqanngitsoq, Nunani tamalaani atomip nukinga pillugu ataatsimiititaliarsuup 1964-imeersup misissuinerata takutippaa.
Danmarkip avatangiisinut ministereqarfiata ukiut 16-it kingorna, tassa 1980-imi, tamanna aamma inerniliuppaa. Pissutsillu allanngorsimanerannik suli aamma takussutissaqanngitsoq, nunanut allanut tunngasunut ministerip oqaatigaa.
Aamma atuaruk Partiit saliisoqarnissaa piumasaraat
Ilisimatusaatigaluguli sulianut tunngasunik atuagassiap Geophysical Research Letterip ukioq manna aggustimi allaaserisaa naapertorlugu, akoorutissat avatangiisinut ulorianarsinnaasut, sermersuup Camp Centuryp nalaaniittup aakkiartorneratigut seerilersimapput.
Camp Centuryp immikkut ilisimasalinnit Kalaallit Nunaanneersunik Danmarkimeersunillu taamaammat misissorneqartoq, Danmarkip avatangiisinut ministeriata nalunaarutigaa.
Misissuinerilli qaqugu aallartinneqassanersut, sumullu atorneqassanersut, suli ilisimaneqanngilaq.
Nunanut allanut tunngasunut ministeri sisamanngorpat isumasioqatigineqassaaq.
Aamma atuaruk Naalakkersuisut Camp Century pillugu erseqqissumik akissuteqartariaqarput
Aamma atuaruk Ilisimatooq: Camp Centurymi eqqakkat uninngatiinnarneqarlik
Aamma atuaruk Aleqa Hammond: Danmarkip Camp Century akisussaaffigaa
Aamma atuaruk Naalakkersuisoq ministerilu Camp Century pillugu paasiniaaniartut
Aamma atuaruk Camp Centurymi pissutsit danskit ministeriata misissortinniarai