Danskit isikkamik arsaattartui OL-imi ingerlaqqittut
Danmarkimmi, gruppimini unamminerit pingajuanni, kingulliusumilu, nunami unammiffiusumi nunanut allanut unammisartut, Brasiliamiut, naapippaat.
Brasiliamiullu qallunaanit nukittunerungaatsiarput, tassami qallunaat 4-0-imik ajorsaramik.
Ajorsarnerli pingaaruteqarpallaanngilaq.
Gruppimiittummi nunat allat marluk, Igitsinilu Irakilu naligiillutik 1-1-erlutik unammipput, taamaasillunilu Danmark gruppimini normu 2-tut inissisimaannarpoq.
Arfininngornermi aggustip ulluisa 13-ianni Danmarkip Nigeria unammissavaa, ajugaagunillu OL-imi isikkamik arsaannermi semifinalinut anngutissallutik.