Politikki Ilinniarneq

Danskit ilinniartitaanermut ilisimatusarnermullu ministeriat nunatsinnut tikeraalersoq

Danskit ilinniartitaanermut ilisimatusarnermullu ministeriat, Ulla Tørnæs, juulip arfineq-aappaanit qulingata tungaanut Nunatsinnut tikeraassaaq. Tikeraarnerup siunertaraa nunatsinnut tunngassuteqartumik ilisimatusarnerup ilinniartitaanerullu paasisaqarfiginissaat.
Assi © : Claus Boesen/Flickr Creative Commons
Allattoq Simon Uldum -
juunip 03-at 2016 06:23

Danmarkimi Ilinniartitaanermut Ilisimatusarnermullu Ministereqarfiup Issittumi ilisimatusarnermut, ilinniartitaanermut nutaaliornermullu periusissamik nutaamik ukiaru saqqummiussaqarnissaanut atatillugu ministeri tikeraarniarpoq. Danmarkimi Ilinniartitaanermut Ilisimatusarnermullu Ministereqarfik tusagassiorfinnut nalunaaruteqarluni taama allappoq.

Ulla Tørnæsip The East Greenland Ice-core Project Sermersuarmiittoq alakkassavaa, qilleraluni ilisimatusarneq qanimut takuniassallugu.

Aammattaaq Pinngortitaleriffimmut aamma Silap pissusia pillugu Nunatsinni misissuisoqarfik Nuummiittoq pulaassavai, Pinngortitaleriffimmullu aningaasaliissutissat 9 millionit koruuninik aningaasartaqartut pillugit isumaqatigiissut atsiussallugu. Ministeri aamma Ilisimatusarfik pulaassavaa, ilinniartunik oqaloqateqassalluni.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk

Nunatsinni illersornissamut politikkimi nutaaliorneq: Sakkutuuliinerunissaq pillugu partiit isumaqatigiittut

Politikki

Sorsunnermut akerliuneq neriuuteqarneruvoq upperiatsajasoq

Politikki

Múte B. Egedep innuttaasut nassuiaatissaqarfigigai