KNR Danmarks Radio-mik qanimut suleqateqarnerulerneq
Tamatumani makku nukittorsaaviginiarneqarput;
KNR-mi sulisut pikkorissartinneqartarnissaat
Matumani ammaassiffigineqarput KNR-imi sulisut DR-p iluani pikkorissaasarnerni peqataasalersinnaa-nissaat, tamatumani aamma pisortaasunut neqeroorutaasartut assigiinngisitaaqisut ilaatinneqarlutik.
Pikkorissaanerit tamakku aqqutigalugit sulisorisagut piginnaanngorsarnissamut periarfissinneqassapput, tamannalu aamma sulisut ilorrisimaarnerullutik sulisarnissaanut aqqutissiuussissapput, tamakkulu tamarmik isiginnaartartutsinnut tusarnaartartutsinnullu ajunngitsumik sunniuteqarumaarlutik.
KNR TV-mi sinerissamilu aallakaatitassiorfinni sulisut pikkorissaqatigiittarnissaat
Ilanngullugu DR-p suleqataaffigisarniarpai KNR TV-mi sinerissamilu TV-utileqatigiiffinni sulisut pikkorissarneqartarlutik aaqqissuussiffigineqartarneranni.
Tamakku tamarmik KNR aamma sinerissami TV-qarfinni sulisut piginnaasaat qaffariaallatsinneqartarnissaat aqqutissiuuttassavaat, taamatullu isiginnaagassiat amerlanerulernerisigut TV-kut isiginnaartartutsinnut iluaqusiissallutik.
KNR-ip Danmarks Radio-llu suleqatigiissutigisartagassaat
Danmarks Radiop juni 2014-mi tusagassiuutitigut isumaqatigiissutaasimasoq naapertorlugu pisussaaffilerneqarsimavoq danmarkimi innuttaasut Naalagaaffeqatigiinnermi pissusiviusunik qaammaasaqartitsinerulerniassalluni.
Taamaattumik KNR-ip Danmarks Radio suleqatigalugu piviusunngortitseqataaffiginiarniarpai Danmarkimi, Savalimmiuni Nunatsinnilu innuttaasut imminnut ilisareqatigiinnerulernissaat, tamatumuunalu pinaveersaartitseqataaffigissallugu nunap immikkoortuini innuttaasut imminnut kusanaassinnaasumik isiginnittariaaseqarsinnaasarnerat.
Tamanna KNR-ip tungaanniit qilanaaralugu peqataaffigissavarput. Taamaattumillu isumaqatigiissutigisimallugu DR-ip nunatsinnit folketingimi ilaasortaatitagut pilersaarutit pillugit saqqummiussiffigissagai.
Tamatumunnga tunngatillugu aamma KNR-ip tungaanniit soqutigaarput isiginnaartorisartakkagut tusarnaartartuvullu tamakku pillugit siunnersuuteqassagaluarpata.
Pisortatigoortumik suleqatigiinnerulernissaq
Tamatuma saniatigut KNR-p DR-illu atortussatigut il.il. atukkiisoqartarsinnaaneranut tunngatillugu maleruagassiortoqarnissaa aqqutissiuussimavaat.
Assiliisarnerni: Inatsisilerinikkut siunnersorti Christian Johansen, KNR-ip pisortaa Jacob Abelsen, DR-ip underdirektøria Maria Damborg Hald, inatsisinut tunngatillugu siunnersorti, Martin Kyst.
