Folketingimut qinersineq 2015 Danmarkimi qineqqusaarneq qiasunngunartoq
Ministeriusimasut taakkua marluk politikkimit taamaatinniarlutik aalajangersimapput, taamaammallu Danmarkimi qinigassanut akuunatik.
Taamaammallu aamma Ole Sohn Per Stig Mølleriluunniit partiimik qineqqusaarneranni peqataanngillat, alapernaatsutupajaarli imminnut inississimallutik.
Ilaanni qiasunngunaannartartoq, Konservativineersoq Per Stig Møller isumaqarpoq:
- Qineqqusaarneq nikallornartutut isigaara. Tassami, periaasiat qaammarsagaanartorsuunngilaq. Inuit marluk akioriitsinneqartarput, ima oqqaffiutigisumik, aappaa illu atungiminut tusarnaassanani, akornusiiginnartarluni, Per Stig Møller oqarpoq.
Socialdemokratineersoq Ole Sohn isumaqarpoq, danskit politikerii ataatsimut isigalugu imminnut malersuuppallaarsimasut:
- Imannak misigaara, politikkikkut oqallinneq allat kukkunerannik ujarlerneruleriartorsimasoq, naalleraaffiulluni - aaqqiissutissarsioqatigiiffiunani. Taamaaliartornerlu kukkunertut isigaara, Ole Sohn oqarpoq.
Ole Sohnip Per Stig Møllerillu saniatigut politikerit ilisimaneqarluartut allat arlannit taamaatipput. Assersuutigalugit Venstremeersoq Birthe Rønn Hornbech, Radikaleneersoq Nadine Faruk, Enhedslistenimeersoq Frank Åen kiisalu SF-imeersoq Villy Søvndahl qinigassanngortinngillat.