Danmarkimi motorvejimi puisi siumoraat
KNR.gl-imi tamakku sammisorsuunngikkaluarpagut. Ajutoornermulli biilit pingasut akuuffigisaannut pissutaasoq pillugu oqaluttuarissavarput.
Jyllandip kangiani politiineersoq Carsten Dahl oqaluttuarpoq ajutoorfiup ungasinngisaani puisimik siumuisoqarsimanera ajutoornermut pissutaasoq.
- Biilertup motorvejimi puisimik nalunaaqutaq 08.42 takusimanini kalleriutigaa. Puiserli taanna suli apuutinngitsugut aporneqarpoq toqullunilu, Carsten Dahl nutaarsiassaqartitsivimmut Ritzaumut taama oqarpoq.
Imaaneernissaa ilimagineqanngitsoq
- Puisip imaaneernissaa ilimananngilaq, assartorneqarnerminut atatillugu biilimit nakkarsimanissaa ilimagineruarput.
Puisi biilertunit tupigusuutigineqarpoq, biilillu motorvejip kujammut aqqutaani nalunaaqutaq qulingiluat missaani siuleriiaatilerput.
Kingunitsianngualu biilit pingasut Aarhusip kitaatungaani illoqarfiup Tilstip eqqaani aporaapput.
Politiilli biilit ajutoornerat puisimut attuumassuteqannginnerarpaat, ajutoorneq puisip nassaarineqarfiani pisimanngimmat.
Politiit puisip piginnittuanit attavigineqarsimanngillat taamaattumillu suminngaanneernera ilisimanagu.
