Danmark Polenimut ajugaarujussuartoq
Danmarkip isikkamik arsaalluni nunanut allanut unammisartui VM-imut anngunniunnerminni Polenimut sisamaraarlutik ajugaapput, unammisaat susaartut.
Allattoq Ritzau
septembarip 01-at 2017 20:16
Nutserisoq Ane-Marie Petersen
Thomas Delaney Andreas Corneliusiulu unamminerup immikkoortuani siullermi isertitsisuupput,
Nicolai Jørgensen Christian Eriksenilu immikkoortup aappaani isertitsisuullutik.
Isikamik arsaalluni nunarsuarmi pissartanngorniunnissamut anngunniunnermut Danmark arsallualaavippoq, ullumilu unamminerminni ingerlalluarlutik.
Sungiusaasoq Hareide pilersaarusiorluakkamik arsartuminik inissititerisimavoq, soorlu Andreas Cornelius kinguarsimasuni tunorlermiitsillugu, Jens Stryger Larsenilu kinguarsimasunut saamerliutillugu Riza Durmisiusaraluartoq.
Inissisimavinni nikisitsiortornerit kinguneqarluarput. Arsaattartullu saassussillualaavittarlutillu nukissaqarluarput. Poleniumiullu arsaannermi arsaarteqattaalaavissorlutik.
