Danmark sakkutuunik Syrialiartitsilersoq
Peqqarniisaarniaqatigiinnut Islamisk Statimut - aamma ISIL-imik taaneqartartunut akiuuttoqarneranut Danmarkip sakkutuunik amerlanerusunik aallartitsinissaa danskit politikeriisa ullaaq manna akuersissutigaat.
Allattoq Helle Nørrelund Sørensen
marsip 04-at 2016 08:47
Nutserisoq Simon Uldum -
Ministeriunerup Danmarkip Syriami sakkutooqarnikkut annertusaanissaanut Folketingip nunanut allanut ataatsimiititaliaani amerlanerussuteqartut piginnaatititsissummik tunivaat.
Piginnaatitsissummik tunniussisoqarneratigut Danmark sakkutuunik 400-nik, ilaatigut sakkutuunik immikkut sungiusakkanik timmisartunik sorsuutinik F16-inik timmisartorsuarmillu assartuummik aallartitsisoqarsinnaalerpoq.
Ministeriuneq Lars Løkke Rasmussen tusagassiorfinnut nalunaaruteqarluni ima allappoq:
- Danskit angutit arnallu nunarsuarmi akersuuffiunerpaat ilaannut aallartinnissaannik aalajangerneq imaannaanngitsuuvoq. Taamaammat naalakkersuisut siunnersuutaata Folketingimi partiinit amerlanerussuteqartunit tapersersorneqarnera qujassutigerusuppara.
