Danmark qunusutut pissuseqarnerarpaa

juulip 28-at 2005 05:24

Danmarkip issittumi naalagaaffissuartut pissusilersornissaa Nunanut Allanut Ministereqarfiup qunugisimagaa, grønlandsministeriusimasoq Tom Høyem isumaqarpoq. Tamanna pillugu DR tusarliussivoq.

Tom Høyem isumaqarpoq, issittoq pillugu danskit ilisimasaat sumut tamaanga ullumikkut siammarsimasut, siornatigutullu aaqqissuussaajunnaarsimasut.

Tamannarpiaq pissutigalugu Danmark qeqertaaqqamut Nunatta Canadallu akornanniittumut Tartupalummut tunngatillugu sanngiinnerusutut isikkoqartoq Tom Høyem TV-Avisimut oqarpoq.

- Nunanut Allanut Ministereqarfiup sallaatsumik uparuaanera issittoq pillugu paasisimasaqannginneranik ersersitsivoq. Canadamiut ilisimasaqarluarput, Danmarkimili uagut ilisimasaqarpiarnata. Tom Høyem erseqqissaavoq.