Danmark melder afbud til landskamp mod Sverige

Danmarkimi arnat isikkamik arsaallutik nunanut allanut unammisartut VM-imut anngunniunnermut atatillugu Sverigemut tallimanngorpat unammisussaagaluarput, unamminissarli taamaatiinnarneqarpoq.
Allattoq Karsten Sommer
oktobarip 18-at 2017 09:04

Danmarkimi Isikkamik Arsaattartut Kattuffiata, DBU-p, Sverigemi arsaattartut kattuffiat attaveqarfigaa Danmark arsaattussanik sassartitsisinnaanngitsoq, aningaasarsiat atugassarititaasullu pillugit arsaattartut peqatigiiffiata DBU-llu akornanni aaqqiagiinngissuteqartoqarnera pillugu sassartitsisoqarsinnaannginnerarlugu.

- Ulloq manna arnanut nunanut allanut unammisartunut pitsaanngilluinnarpoq, Danmarkimilu arsaattarnermut ataatsimut isigalugu aamma ajorluinnarluni, DBU-mi elitechefi Kim Hallberg oqarpoq.

DBU Arsaattartullu Peqatigiiffiat aningaasarsiat pillugit qaammatialunngortuni isumaqatiginninniartaraluarput, maannamulli isumaqatigiissinnaasimanatik.