Isikkamik arsaalluni EM: Danmark Østrigilu semifinalimi unammilersut
Isikkamik arsaalluni danskit nunanut allanut unammisartuisa arnartaat Europami ukiuni arlalissuarni pissartaasut tyskit ajugaaffigalugit Europami pissartanngorniuunnermi semifinalimut sapaatiummat anngunnerisa tv-kkut aallakaatinneqarnera millionip affaata missaanik isiginnaartoqarpoq.
Allattoq Inge S. Rasmussen
aggustip 03-at 2017 07:01
Nutserisoq Simon Uldum -
Danmarkilu semifinalimi Østrigimut ullumikkut nalunaaqutaq arfinermut - nunatsinni nalunaaqutaq malillugu marlunut - unammilerpat ikinnerpaamik isiginnaartut millionip missaanniittut malinnaanissaat ilimagineqarpoq. Ajugaasut sapaatiuppat finaalimut ingerlaqqissapput.
Unammineq TV2-kkut Eurosport 1-ikkullu toqqaannartumik isiginnaarneqarsinnaavoq - kanalillu taakku piginngikkaanni unamminerup pingaarnersiorneqarnera DR1-ikkut nal. 20.35 isiginnaarneqarsinnaavoq, tamannalu pereerpat Holland aamma pissartanngorniuunnerni ajugaasussatut ilimagineqarnerpaasoq Tuluit Nunaat unammissapput.
