Dana Bankemi saarullinniarneq matuneqarallartoq
Qeqertarsuatsiaat kitaanni, Dana Bankimit sinerissap titarnerullu aalisarnikkut oqartussaaffiup tunngaviusumik killingata 3 sømilip avataanit saarullinniarneq unitsinneqarallarpoq.
Allattoq Simon Uldum -
apriilip 20-at 2017 16:10
Aalisarnermut Piniarnermullu Naalakkersuisoqarfiup ilisimatitsissutigaa kitaata saarulleqassusia illersorumallugu Dana Bankemi saarulliit apriilip aallaqqaataanit maajip 31-anut suffinerisa nalaanni aalisarneqassanngitsut.
Immap assingani sinerissap titarnerullu aalisarnikkut oqartussaaffiup tunngaviusumik killinga 3 sømili tungujortumik ilisarnaaserneqarsimavoq, aalisarfigeqqusaanngitsoq aappalaartumik titarnernik uingasunik ilisarneqaateqarluni.
Najoqqutarisaq: Naalakkersuisut.gl
