Cubami annertuumik aseruatitertoqarsimanissaa ernummatigineqartoq
Ulussaarsuaq Cuba aqqusaareerlugu qasukkaamilaaraluarluni maanna 4-mik sakkortussuseqarluni Floridap tungaanut illuariartorpoq.
Ulussaarsuarlu Cubap qiterpasissuaniikkami akunnermut 249 kilometerisut
sukkassuseqarpoq, amerikami silasiorfimmi qitiusoq taama ilisimatitsivoq.
Cubami pisortat ernummatigaat, ulussaarsuaq Irma avannaata sineriaani aseruatiterujussuarsimassasoq.
AAMMA ATUARUK Ulussaarsuarmit Irmamit qimarrattut angallannikkut uivertitsisut
Ulussaarsuaq Irma Cubap qiterpasissuanut nunatta nalunaaqutaa malillugu unnuaq ataatsip missaani annguppoq. USA-milu silasiorfik naapertorlugu akunnermut 260 kilomiiterit sukkatigisimavoq.
Inuit milliuunit missaanniittut najugaqarfimminnit qimaallutik allanut isumannaannerusunukarlutik qimarngupput.
AAMMA ATUARUK Puerto Ricomi ulussaarsuaqarnerani inuit 900.000-it innaallagiaaruttoortut
Cubap ilaani ulussaarsuaqarnerani sialussuarneranilu miiterit pingasut tikillugit qarsutsisoqarnissaa ilimagineqarpoq, maannali ulussaarsuaq Irma Floridap tungaanut illuariartorluni.
/ritzau/Reuters