Politikki Avatangiisit

ASSIT COP21-qarnerani sermit saqqummersinneqartut aakkiartorput

Parisip qiterpasissuaniipput iluliamerngit Nunatsinneersut aqqaneq-marluk. Sermersuup arriitsumik aakkiartornera taamaalillugu Place du Panthéonimi ersersinniarneqarpoq.

Allattoq Camilla Dam

decembarip 03-at 2015 11:25

Nunarpassuit siuttui silap pissusia pillugu ataatsimeersuarnermut COP21-imut Frankrigip illoqarfiisa pingaarnersaanni ingerlanneqartumut peqataapput, amerlaqisullu isumaqarput nunarsuup silaannaata kissatsikkiartupiloornera unitsinniarlugu isumaqatigiissusiornissaq pinartuusoq.

Ilaatigulli Bruxellesimili, Beijingimi, Washingtonimi Moskvamilu naalakkersuisoqarfiit Issittumut ungasittupilussuupput. Taamaammat professor Minik Rosing, islandimiu eqqumiitsuliortoq Danmarkimi najugaqartoq Olafur Eliasson aamma Kuupik Kleist peqatigalugit Parisimi sermit tonsinik 100-nik oqimaassuseqartut takusassiaralugit saqqummersippaat.

Aamma atuaruk COP21 Minik Rosing: Ataatsimeersuarnerup alaatsinaanneqarnera pingaarpoq

Paris ullukkut qulit missaannik kiattarpoq, taamaammat aallutik nungunnginnerini assit uani takukkit.

[View the story "Indlandsis i Paris" on Storify]