Clintonip e-mail-ikkut nassiussai misissorneqaqqilerput
Siornatigut misissuisoqarnerani Clintonip privatemik nassitsivianit nassaartoqarsimanngilaq.
Maanakkut qarasaasiap atortuini nassaaarineqartut tassaapput, amerikami politikerip Antony Weinerip nuliatalu Huma Abedinip qarasaasiakkut nassitsivianeersut, amerikami aviisi New York times taama allaaserisaqarpoq.
Hillary Clintonip qineqqusaarsarnerani aqutsisut pisortaata John Podestap piumasaraa, qarasaasiakkut allakkat nassiussat kingulliit pillugit paasissutissat FBI-mit paasissutissiissutigineqassasut.
- Qarasaasiakkut allakkat nassiunneqarsimasut paasissutissartaat ataasikkaat pillugit FBI-imi pisortap amerikamiunut piaartumik nassuiartariaqarpai, John Podesta oqarpoq.
- qulakkeerlugu oqaatigisinnaavarput FBI paasiniaanermi juulip qaammataata tungaanut paasisaanit maannakkut inerniuliunneqartut allaanerunavianngillat , John Podesta oqarpoq.
